15:00 / 30.11.2023
Kuvendi i Malishevës vendos për rregulloren për taksa dhe gjoba komunale
M.P. / RTKlive
Kuvendi i Komunës së Malishevës e ka mbajtur mbledhjen e dytë të jashtëzakonshme për këtë vit, ku janë marrë dy vendime për vitin e ardhshëm.
“Pas diskutimeve të shumta, anëtarët e Kuvendit të Komunës së Malishevës, unanimisht e kanë votuar Rregulloren për Taksa, Ngarkesa dhe Gjoba komunale për vitin 2024”, thuhet në njoftimin e komunës.
Po ashtu, me vota unanime e kanë votuar edhe formimin e komisionit, për hartimin e planit të punës së kuvendit, për vitin në vijim.























