18:14 / 07.12.2023
Komuna e Prishtinës miraton faljen e tatimit në pronë deri në 75 euro
M.P. / RTKlive
Kuvendi Komunal i Prishtinës në mbledhjen e jashtëzakonshme të mbajtur sot, ka miratuar vendimin për faljen e tatimit në pronë deri në 75 euro.
“Shuma për faljen e tatimit në pronë do te jetë jo më shumë se 75 euro, tatimpaguesit që tashmë e kanë paguar faturën e tatimit në prone për vitin 2023, shuma e falur do t'iu llogaritet si paradhënie për vitin 2024”, ka thënë kryesuesja, Nora Kelmendi.
Ky vendim është miratuar me 27 vota pro, asnjë kundër dhe asnjë abstenim.























