16:41 / 08.12.2023
Gjakovë, 25 shkolla u bënë pjesë e ekspozitës "Arti i Ripërdorimit"
V.Th. RTKlive
25 shkolla të komunës së Gjakovës u bënë sot pjesë e ekspozitës "Arti i Ripërdorimit", e cila u organizua në kuadër të fushatës për ruajtjen e mjedisit “EcoGjakova”.
Komuna e Gjakovës njofton se përmes këtij aktiviteti, në foajenë e Pallatit të Kulturës, u ekspozuan punime të ndryshme kreative nga ana e nxënësve tanë në bashkëpunim me arsimtarët e tyre.
Në përmbyllje të fushatës “EcoGjakova” do të shpallen fituesit e kësaj ekspozite.
Megjithatë, sipas njoftimit të gjitha shkollat dhe nxënësit janë fitues për faktin që secili prej tyre, arritën që të përcjellin mesazhin për kujdesin që duhet treguar ndaj ambientit.























