14:00 / 21.12.2023
Në Gjilan po vazhdon arsimi dual për nxënësit e shkollës së Agrobiznesit
RTKlive
Në vazhdën e fuqizimit të bashkëpunimit, në Gjilan janë nënshkruar marrëveshje për vazhdimin e arsimit dual për nxënësit e shkollës së mesme të Agrobiznesit "Arbëria".
Drejtoresha e Arsimit, Albana Demiri ka bërë të ditur se në disa biznese, nxënësit e kësaj shkolle do praktikojnë atë që e mësojnë në shkollë, sepse teoria pa praktikë është e mangët dhe nuk sjell perspektivë.
“Faleminderit bizneseve për mundësinë e bashkëpunimit dhe drejtorit të shkollës së Agrobiznesit, Xhelal Jetishi për angazhimin në realizimin e kësaj marrëveshje. Punët e mira nuk kanë të ndalur”, ka thënë ajo.























