17:01 / 08.11.2024
Aliu: Projektet për pastrimin e shtretërve të lumenjve vazhdojnë
N.M. /RTKlive
Ministri i Mjedisit, Planifikimit Hapësinor dhe Infrastrukturës, Liburn Aliu, bashkë me kryetarin e komunës së Gjilanit, Alban Hyseni, sot kanë vizituar lumenjtë në Gjilan, ku aktualisht po realizohet projekti për pastrimin dhe ndreqjen e shtratit të lumit.
Aliu, në një postim në Facebook, ka thënë se ky është vetëm një nga shumë projektet aktive për pastrimin e lumenjve.
“Bashkë me kryetarin e komunës së Gjilanit, z. Alban Hyseni, vizituam lumenjtë në Gjilan, ku aktualisht po realizohet projekti për pastrimin dhe ndreqjen e shtratit të lumit. Ky është vetëm një nga shumë projektet aktive për pastrimin e lumenjve. Angazhimi për të luftuar kundër mbetjeve do të vazhdojë çdo ditë”, shkruan Aliu.























