13:31 / 18.11.2024
Ndërron jetë kameramani i RTP-së, Aziz Krasniqi
M.M. /RTKlive
Ka vdekur në moshën 75-vjeçare kameramani i njohur i Radiotelevizionit të Prishtinës (RTP), Aziz Krasniqi, i lindur më 22 korrik 1949.
Me një karrierë të gjatë e të përkushtuar në fushën e medias, Krasniqi u bë pjesë e rëndësishme e transmetimeve televizive dhe radiove të Kosovës, duke kontribuar në dokumentimin e ngjarjeve historike për dekada.
Lajmi për ndarjen e tij nga jeta ka ngjallur dhimbje dhe pikëllim të madh te familja, miqtë dhe kolegët, të cilët kujtojnë me respekt punën dhe pasionin e tij për profesionin.























