13:43 / 17.12.2024
Obiliqi ndalon përdorimin e mjeteve piroteknike në vende të hapura publike
K. K. / RTKlive
Komuna e Obiliqit ka nxjerrë një urdhëresë për ndalimin e përdorimit të mjeteve piroteknike.
Kryetari i Komunës së Obiliqit, Xhafer Gashi, nxori urdhëresën për ndalimin e përdorimit dhe shitjes së mjeteve piroteknike në vende të hapura publike, përkatësisht në tregje, rrugë dhe sheshe.
“Ndalimi i përdorimit të mjeteve piroteknike bëhet me qëllim të sigurisë së qytetarëve, mbrojtjes së cilësisë së ajrit dhe mjedisit, si dhe për mbrojtjen e shëndetit të popullatës”, thuhet në njoftimin e kësaj komune.
Ndërkohë, përdorimi i mjeteve pirotenike lejohet nga 26 dhjetori deri më 2 janar.























