19:37 / 20.12.2024
Aksident në rrugën ‘C’, vetura godet kalimtaren
L. Berbatovci /RTK
Një kalimtare është goditur nga një veturë në rrugën "C", në Prishtinë. Ngjarja ka ndodhur rreth orës 19:20.
Në vendngjarje kanë dalë pjesëtarë të Policisë së Kosovës dhe ekipet mjekësore.
Lajmin më vonë e kanë konfirmuar edhe zyrtarë policorë.
"Sot rreth orës 19:30 në rrugën "C" në Prishtinë, ka ndodhur një aksident trafiku në mes të një automjeti dhe një këmbësoreje.
Si pasojë e aksidentit është lënduar këmbësorja e cila është dërguar për tretman mjekësor. Me rastin po merret njësiti i trafikut", ka thënë për RTKlive, zëdhënësja Flora Ahmeti.

























