Policia e Kosovës shpëton dy persona të moshuar gjatë vërshimeve në Gjilan
BKT
Kosovë

Policia e Kosovës shpëton dy persona të moshuar gjatë vërshimeve në Gjilan

V.Th / RTKLive

Dy persona të moshuar janë shpëtuar nga zyrtarët policorë në Gjilan, pasi shtëpia e tyre u përmbyt nga vërshimet e shkaktuara nga reshjet e dendura të shiut më 18 nëntor 2025.

Reagimi i shpejtë dhe profesional i njësive patrulluese të Stacionit Policor të Gjilanit bëri të mundur evitimin e pasojave të rënda dhe shpëtimin e dy jetëve njerëzore.

Policia njofton se njësitë patrulluese kanë vepruar menjëherë pas raportimeve për përmbytje, duke intervenuar me përkushtim për të ndihmuar qytetarët në nevojë.

Drejtoria Rajonale e Policisë në Gjilan thekson se do të vazhdojë të qëndrojë pranë qytetarëve në çdo situatë, me përgjegjësi dhe kujdes në mbrojtje të jetës dhe pasurisë së tyre.


MË SHUME NGA Kosovë