Nesër Akademi Përkujtimore për Nexhat Dacin në Kuvendin e Kosovës
BKT
Kosovë

Nesër Akademi Përkujtimore për Nexhat Dacin në Kuvendin e Kosovës

B. H. | RTKlive

Në shenjë respekti për trashëgiminë e tij akademike, politike dhe institucionale, nesër në Kuvendin e Kosovës do të organizohen ceremonitë mortore për ish-kryetarin e Kuvendit të Kosovës, Nexhat Daci, i cili sot në mëngjes ndërroi jetë në moshën 81-vjeçare.

Fillimisht do të bëhen homazhet nga ora 09:00 deri në 11:45 në hollin e Kuvendit të Kosovës, ndërsa më pas do të mbahet akademia përkujtimore në orën 12:00 në Sallën Plenare të Kuvendit të Kosovës.

Ceremonia e varrimit do të zhvillohet nga ora 13:40, me nderime shtetërore, në varrezat e qytetit, në lagjen Arbëria.


MË SHUME NGA Kosovë