Pas Malishevës edhe Juniku me gjendje të jashtëzakonshme nga vërshimet
BKT
Kosovë

Pas Malishevës edhe Juniku me gjendje të jashtëzakonshme nga vërshimet

M.P. / RTKlive

Pas Malishevës, edhe komuna e Junikut ka shpallur gjendje të jashtëzakonshme, si pasojë e vërshimeve në këtë komunë.

“Për shkak të kushteve të vështira klimatike, reshjeve të shumta dhe vërshimeve në Komunën e Junikut, Komuna e Junikut ka shpallur gjendje të jashtëzakonshme dhe ka formuar shtabin emergjent”, thuhet në njoftimin e komunës.

Si pasojë edhe fillimi i gjysmëvjetorit të dytë të vitit shkollor është shtyrë deri më 12 janar.

Pak orë më parë kryetari i Komunës së Malishevës, Ekrem Kastrati tha se kanë themeluar shtabin emergjent që gjatë gjithë ditës kanë qenë në nivel detyre, për t’i dalë në ndihmë të gjithë qytetarëve të komunës, e që thotë se aktualisht jetojnë në gjendje të jashtëzakonshme.

Shumë komuna në vend po përballen me vështirësi të shumta si pasojë e përmbysjeve nga rreshjet e shiut.

 


MË SHUME NGA Kosovë