10:11 / 06.02.2026
Ndërprerje e ujit në disa zona në Podujevë
Naser Mekolli /RTKlive
Kompania e Ujësjellësit Rajonal "Prishtina" ka njoftuar se për shkak të një rrjedhjeje në një gyp të ujësjellësit në qytetin e Podujevës, do të ketë ndërprerje të ujit.
Theksohet se ndërprerje të përkohshme të furnizimit me ujë të pijshëm do të ketë në rrugët “Skënderbeu” e “28 Nëntori” si dhe Rrugën e Xhamisë.
Ujësjellësi bën të ditur se furnizimi me ujë do të rikthehet menjëherë pas përfundimit të sanimit të rrjedhjes.























