16:00 / 12.03.2026
Shpërthen gypi, pa ujë përkohësisht Mitrovica e Veriut, Zveçani e Suhodolli
Kimete Kasumi/ RTKlive
Kompania Rajonale e Ujësjellësit “Mitrovica” ka njoftuar se si pasojë e shpërthimit të një gypi të ujësjellësit në Zveçan, është ndërprerë furnizimi me ujë të pijes në këtë komunë. Ndërprerje të furnizimit me ujë ka edhe në Mitrovicën e Veriut dhe në Suhodoll.
Në njoftimin nga kjo kompani thuhet se ekipet e mirëmbajtjes janë në terren dhe po punojnë intensivisht në sanimin e defektit.
“Rikthimi i furnizimit me ujë pritet të bëhet gjatë orëve në vijim, menjëherë pas përfundimit të punimeve”, thuhet në njoftim.























