19:31 / 12.03.2026
Policia mbështet Shoqatën Down Syndrome Kosova me donacion financiar
Gentiana Kelmendi/RTKlive
Shoqata Down Syndrome Kosova njofton se përfaqësues të Policisë së Kosovës vizituan qendrën e saj dhe dhuruan një donacion prej 1,362 eurosh, të mbledhur nga vetë zyrtarët policor.
Në një komunikatë, shoqata falënderoi Policinë e Kosovës për “bashkëpunimin në forma të ndryshme dhe mbështetjen ndaj kauzës sonë”. Donacioni do të përdoret për shërbimet terapeutike dhe sociale që shoqata ofron në pesë qendrat e saj pa pagesë.
Shoqata thekson se “qëndrueshmëria e këtyre shërbimeve vazhdon të jetë sfiduese, por iniciativa të tilla kontribuojnë në mbështetjen e tyre” dhe fton publikun që të vazhdojë të qëndrojë pranë.























