13:21 / 05.07.2026
KRU “Prishtina” zbulon gjashtë lidhje ilegale në Hajvali
V.Thaçi / RTKLive
Kompania Rajonale e Ujësjellësit Prishtina, ka bërë të ditur se në Hajvali, ekipet e ujësjellësit kanë zbuluar 6 lidhje ilegale.
Sipas njoftimit, ato janë shkyçur menjëherë nga rrjeti i ujësjellësit, ndërsa rastet do t'i procedohen Prokurorisë për veprime të mëtejshme ligjore.
Tutje theksohet se lidhjet ilegale nuk janë zgjidhje, ato janë vjedhje e ujit dhe një nga shkaqet kryesore që dëmtojnë rrjetin, ulin presionin dhe rrezikojnë furnizimin e rregullt me ujë për qytetarët që paguajnë dhe respektojnë rregullat.























