Nga temperatura rekord te moti i pazakontë i freskët, IHMK jep detaje
BKT
Kosovë

Nga temperatura rekord te moti i pazakontë i freskët, IHMK jep detaje

Kosova ka përjetuar një ditë me temperatura dukshëm më të ulëta se mesatarja klimatologjike për muajin korrik, ndërsa reshjet e shiut kanë përfshirë pjesën më të madhe të territorit të vendit.

Sipas të dhënave të Institutit Hidrometeorologjik të Kosovës (IHMK), gjatë orëve të para të ditës janë regjistruar reshje në shumicën e stacioneve meteorologjike. Sasia më e madhe e reshjeve është matur në Komoran, ku janë regjistruar 15.0 milimetra shi.

Temperatura mesatare e ajrit, e matur në orën 14:00, ka qenë 14.9°C, me dallime të vogla ndërmjet rajoneve dhe në varësi të lartësisë mbidetare. Kjo vlerë është 7.4°C më e ulët se mesatarja shumëvjeçare e temperaturave për muajin korrik në Kosovë, e cila është 21.4°C.

Meteorologët vlerësojnë se ky devijim përfaqëson një ndryshim të ndjeshëm nga kushtet tipike të sezonit veror, duke sjellë mot të freskët dhe reshje në një periudhë kur zakonisht dominojnë temperaturat e larta.

Kontrasti bëhet edhe më i dukshëm kur krahasohet me të njëjtën periudhë të vitit të kaluar. Më 25 korrik 2025, Kosova regjistroi temperaturat më të larta në historinë e matjeve meteorologjike, ndërsa në stacionin e Klinës u shënua rekordi kombëtar prej 42.5°C.


MË SHUME NGA Kosovë