Podujeva avancon menaxhimin e barnave esenciale
BKT
Kosovë

Podujeva avancon menaxhimin e barnave esenciale

K.K/ RTKlive

Komuna e Podujevës ka hedhur një hap të ri drejt avancimit të shërbimeve shëndetësore, duke nënshkruar një memorandum bashkëpunimi për digjitalizimin e menaxhimit të barnave esenciale në institucionet publike shëndetësore.

Memorandumi u nënshkrua nga kryetari i Komunës së Podujevës, Shpejtim Bulliqi, dhe drejtori i Platformës E-Shneta, Fidan Kalaja.

Sipas Komunës, sistemi i ri do të mundësojë monitorim më efikas të stokut të barnave esenciale, rritje të transparencës në menaxhimin e tyre, si dhe informim më të shpejtë të qytetarëve për disponueshmërinë e barnave në institucionet publike shëndetësore.

Kryetari Shpejtim Bulliqi theksoi se ky bashkëpunim është pjesë e angazhimit për modernizimin e shërbimeve publike dhe përmirësimin e kujdesit shëndetësor për qytetarët.

“Po vazhdojmë punën për modernizimin e shërbimeve publike dhe përmirësimin e kujdesit shëndetësor për qytetarët tanë”, deklaroi Bulliqi.

Zbatimi i këtij memorandumi pritet të kontribuojë në rritjen e efikasitetit të menaxhimit të barnave dhe në ofrimin e shërbimeve më cilësore për qytetarët e Komunës së Podujevës.


MË SHUME NGA Kosovë