Hapet për qarkullim rruga ‘Ilir Konushevci’ në Prishtinë
BKT
Kosovë

Hapet për qarkullim rruga ‘Ilir Konushevci’ në Prishtinë

B.H./RTKlive

Rruga “Ilir Konushevci”, segmenti i dytë, në afërsi të objektit të Komunës së Prishtinës, është hapur për qarkullim.

Kryetari i Prishtinës, Përparim Rama, ka njoftuar se punimet janë përmbyllur gjatë natës, duke përfshirë asfaltimin e rrugës dhe vendosjen e sinjalistikës.

“Mirëmëngjesi Prishtinë. Rruga është e hapur për qarkullim. Derisa qyteti ishte n’gjumë, ekipet e Kryeqytetit punuan pa ndal. Gjatë gjithë natës u punua në asfaltim dhe sinjalistikë, që sot në mëngjes rruga të jetë e përfunduar dhe e gatshme për qarkullim”, ka shkruar Rama.

Ai ka falënderuar ekipet që kanë punuar në terren, duke vlerësuar angazhimin e tyre në përmirësimin e infrastrukturës rrugore në kryeqytet.

 


MË SHUME NGA Kosovë