Hykolli uron fillimin e vitit të ri shkollor
V.Th / RTKLive
Kryetari i Bashkimit të Sindikatave të Pavarura të Kosovës, Atdhe Hykolli, ka uruar fillimin e vitit të ri shkollor.
Në urimin e tij, Hykolli ka veçuar mësuesit dhe mësimdhënësit, punëtorët e administratës dhe teknikë, si dhe drejtuesit e shkollave.
“Shoqëria ua beson një nga përgjegjësitë e saj më të mëdha, ua beson formimin e brezave dhe ndërtimin e së ardhmes”, ka thënë Hykolli për mësuesit dhe mësimdhënësit.
Urim të veçantë ai u ka drejtuar edhe nxënësve, veçanërisht atyre që për herë të parë ulen në bankat shkollore.
“Uroj që shkolla t’u bëhet vend i dijes, i edukimit, i miqësisë dhe i ëndrrave që marrin udhë”, ka shkruar Hykolli.
Ai ka uruar prindërit për fillimin e vitit të ri shkollor, duke theksuar rëndësinë e arsimit dhe respektit për punëtorët e arsimit.
“Një shoqëri që e çmon shkollën, e çmon dijen”, ka thënë Hykolli.























