Dëshmorët mbeten udhërrëfyesi sublim i popullit shqiptar
BKT
Kosovë

Dëshmorët mbeten udhërrëfyesi sublim i popullit shqiptar

Dëshmorët janë dhe do të mbeten udhërrëfyesi dhe ndërgjegjja më sublime e këtij populli që luftoi pareshtur për lirinë e këtij populli me dekada dhe shekuj.

Kështu u tha në një akademi përkujtimore me rastin e Ditës së Dëshmorëve të Komunës së Prishtinës, organizuar nga Komuna e Prishtinës dhe shoqatat e dala nga lufta.

Nënkryetari i Komunës së Prishtinë, Selim Pacolli, tha se në këtë ditë gërshetohen ndjenjat, dhe emocionet e krenarisë dhe sakrificës së dëshmorëve për lirinë që ne sot gëzojmë.

Komandanti i Brigadës 153 të UÇK-së, Fatmir Sopi, tha se ushtria serbe i hakmerrej civilëve të pafajshëm shqiptarë sa herë që pësonte humbje nga UÇK-ja, duke bërë një gjë të tillë në Makovc e Grashticë të Prishtinës, duke kryer masakra të tmerrshme.

Ai theksoi se Kosovës nuk i duhet kërkim-falje nga kriminelët serbë që kryen krime të mëdha në vendit tonë.

Në emër të shoqatave të dala nga lufta foli Naser Pacolli, i cili tha se ky vit jubilar shënohet falë luftës dhe sakrificës së UÇK-së dhe heronjve të saj, të cilët përherë do të kujtohen për veprën e tyre të madhe në shërbim të popullit dhe atdheut.


MË SHUME NGA Kosovë