16:33 / 08.05.2019
Asfaltohet shtresa e dytë e rrugës në Muhoc të Ferizajt
Sot ka përfunduar shtresa e dytë e asfaltimit të rrugës së fshatit Muhoc të Komunës së Ferizajt, projekt ky që kap vlerën rreth 32,000 euro.
Gjatësia e rrugës së asfaltuar në fshatin Muhoc është 425 metra dhe gjerësi 5 metra. Arbër Bytyqi, drejtor i Drejtorisë së Infrastrukturës, tha se ky vit është dyfishi i dinamikës së punëve dhe projekteve infrastrukturore që janë realizuar gjatë 2018, duke finalizuar kështu një cikël të madh investimesh e veprash infrastrukturore me rëndësi jetike për qytetarët.























