Kaçanik, vazhdojnë punimet në shumë projekte kapitale komunale
Me kushtet e favorshme klimatike, Komuna e Kaçanikut është shndërruar në arenë të zhvillimit të projekteve të ndryshme infrastrukturore.
Kryetari Besim Ilazi me bashkëpunëtorë, vizitoi nga afër vendpunishtet në projektet infrastrukturore “ Ndërtimi i rrugëve të qytetit” si dhe në fshatin Kovaqec ku janë duke u zhvilluar projektet “ ndërtimi i urës në Kovaqec” projekt me Ministrinë e Infrastrukturës si dhe “ ndërtimi i rrugëve në fshatin Kovaqec”.
Kryetari Ilazi tha se në terren janë duke u realizuar dhjetëra projekte, të cilat synim parësor kanë ngritjen e mirëqenies qytetare.
Ilazi shtoi se me fondet e fituara nga perfomanca e mirë nga Ministria e Administrimit dhe Pushtetit Lokal si dhe nga DEMOS dhe një pjesë nga Komuna e Kaçanikut , janë duke u ndërtuar rrugët e qytetit, ku përfshihet zgjerimi si dhe asfaltimi i këtyre rrugëve, ku hyrja e dhe rrugët kryesore të qytetit do të marrin një pamje krejtësisht të re dhe njëkohësisht do të ketë zgjerim të hapësirave si për këmbësorë poashtu edhe për qarkullim të automjeteve.



























