Jashari: Nga sot Drenica është më e pasur shpirtërisht dhe më frymëzuese
Nga sot Drenica është më e pasur shpirtërisht dhe më frymëzuese për gjeneratat që vijnë, se liria lindi këtej pari, dukë u formësuar sot në shtatore madhështore më 28 nëntor, shtatoret e heronjve Shaban, Hamëz dhe Adem Jashari në sheshin “Fehmi Lladrovci” në Drenas, më datën më të rëndësishme të kombit tonë.
Kështu tha kryetari i komunës së Skenderajt, Bekim Jashari në seancën solemne të përbashkët të kuvendeve komunale, Drenasit dhe Skënderjat.
Kryetari Jashari theksoi se kjo seancën solemne i ka mbledhur akti solemn i përurimit i tri shtatoreve të pa krahasueshme deri më sot, ku së bashku në sheshin tashmë madhështor të Drenasit i bëjnë roje dhe shpalosin vlerën e lirisë, hernojtë dhe heroina me shtatoret e veta, Fehmi dhe Xheva, Ilazi, Bedriu dhe Rasimi, duke u vendosur tash edhe heronjtë e kombit, Shaban, Hamëz dhe Adem Jashari.
Ai në seancën solemne të përbashkët që u mbajt në Drenas, tha se sot me mendje dhe me zemër janë pranë familjeve që kanë humbur më të dashurit e tyre dhe pranë të lënduarve të cilëve u dëshirojnë shërbim të shpejt nga pasojat e tërmetit në Shqipëri.
Ndërsa, Labinot Halilaj, kryesues i Kuvendit Komunal të Drenasit, duke kujtuar vlerën historike e kombëtare të 28 nëntorit, theksoi se populli i Kosovës, brez pas brezi bëri luftë ndër shekuj për lirinë e vendit.
Pas pak qestesh do të përurohen shtatoret e heronjve Shaban, Hamëz dhe Adem Jashari në sheshin “Fehmi Lladrovci” në Drenas.























