Versioni “R” i Tiguan 2020, i mahnitshëm

Versioni “R” i Tiguan 2020, i mahnitshëm

Fotografi të reja të spiunimit kanë treguar versionin “R” të Volkswagen Tiguanit të ri, një vit pasi ishin parë prototipat e parë.

Sipas pamjeve, modeli i veçantë i gjigantit gjerman do të ketë drita më speciale e do të jetë më i ulët, ndërsa do të ketë edhe pamje sikur të modelit “Golf R”.

Tiguan do të jetë modeli i tretë i VW-së që merr trajtimin “R”, pas T-Roc R dhe Touareg R.

Pak kohë më parë, për këtë medium, shefi i divizionit “R”, Jost Capito, kishte thënë se mund ta paramendojë një model të tillë sepse “kemi parë që gjëra të mira mund të arrihen me T-Roc, por me Tiguanin do të ishte edhe më ndryshe”.

Tiguan R pritet të ketë motor 2.0-litërsh me 296 kuajfuqi, marsh automatik me shtatë shpejtësi e sistem që tërheqë me katër rrota. Përshpejtimin nga 0 në 100 kilometra për orë raportohet se do ta arrijë për më pak se pesë sekonda.

Akoma s’ka të konfirmuar datë të lansimit, por Tiguan R pritet të debutojë më vonë gjatë vitit, kur të prezantohet përditësimi i Tiguanit standard.


MË SHUME NGA Auto