Kia Stinger e re mund të quhet ndryshe, do të ketë dhe disa specifika

Kia Stinger e re mund të quhet ndryshe, do të ketë dhe disa specifika

Në këtë makinë sportive do të ketë rrota të reja, që përshtaten me sistemin shumë më të ulur të pezullimit

Gjatë javës së kaluar, u raportua se modelin Optima, Kia do ta quajë ndryshe K5, në mënyrë që ta bëjë pjesë e linjës K.

Ashtu siç pritej, kur të lansohet edhe modeli Stinger do të quhet në formë nomenklature dhe pritet të jetë K5 GT.

Ky pretendim, është bërë i ditur nga imazhet e rrjedhura në internet, që e tregojnë këtë makinë derisa po transportohej dhe shihet dukja që do të ketë.

Duke u bazuar në burime të afërta me Kia, thuhet se Stinger i ri apo K5 GT, do të ketë motor me 2.5 litra turbo4, që prodhon 290 kuaj fuqi, ndërsa është i pajisur me tetë shpejtësi automatike.

Specifikat tjera nuk janë bërë të ditura, por pritet që të mësohen në të ardhmen e afërt, pasi që kjo Kia do të rivalizojë me Hyundai Sonata N-line që lansohet së shpejti.

Bazuar në imazhet e siguruara, linjat e kësaj makine nuk kanë ndryshuar shumë, por është shumë më sportive, me sistem të pezullimit shumë më të ulët.