Jaguar I-Pace EV lirohet në masë të madhe, tani me çmim më të përballueshëm
Sharr Travel

Jaguar I-Pace EV lirohet në masë të madhe, tani me çmim më të përballueshëm

Si versioni i vitit të kaluar, ashtu edhe ai aktual, kanë pësuar zbritje serioze të çmimit.

Konsiderohet si një ndër makinat më të mira SUV që mbushen me rrymë, që kanë të përshtatur kapacitetin dhe përformancën, me dizajnin që ka shumë stil.

Deri më tani, Jaguar I-Pace EV ishte një makinë shumë e pëlqyeshme, por jo të gjithë kishin mundësi ta blinin, por blerja është bërë më e përballueshme me lirimin prej mbi 17 mijë eurove.

Sipas Electrek, një I-Pace që kushtonte 65 mijë euro, tani mund të blihet për 47 mijë euro, duke e bërë kështu një makinë elektrike shumë më të lirë se Model Y.

Gjatë vitit të kaluar, Jaguar nuk ka shitur më shumë se 18 mijë njësi të I-Pace, që është një numër shumë më i ulët se sa arritjet e Tesla.

Lirimi i kësaj makine në masë të madhe, besohet të jetë bërë për të tejkaluar shitjet e Tesla, por edhe që të përshtate me tregun, ku rënia e kërkesës së makinave ka qenë  madhe.