Kastrati e Abrashi inspektojnë punimet në rrugën “Nënë Tereza”
BKT
Kosovë

Kastrati e Abrashi inspektojnë punimet në rrugën “Nënë Tereza”

Kryetari i komunës së Kamenicës, Qëndron Kastrati, së bashku me nënkryetarin Faton Jakupi dhe zyrtarë të tjerë, të hënën kanë pritur në takim ministrin e Infrastrukturës, Arban Abrashi.

Pas takimit, ata së bashku kanë vizituar punimet në asfaltimin e rrugës “Nënë Tereza” në Kamenicë.

Kryetari Kastrati ka thënë se kjo rrugë do të shërbejë si lehtësim për lëvizjen e qytetarëve. “Kjo rrugë e cila lidhë bulevardin, shtëpinë e kulturës e rrugën dytësore rreth lumit, do të shërbej si lehtësim për lëvizjen e qytetarëve të Kamenicës. Vazhdojmë me punë për qytetarët tanë”, ka thënë Kastrati.

Kurse Abrashi tha se së shpejti do të përfundohen të gjitha rrugët që janë në projekt, që do të jenë me trotuare dhe ndriçim.

“Në Kamenicë janë përfunduar shumica e rrugëve lokale në bazë të memorandumit me Ministrinë e Infrastrukturës, shpejt do të përfundohet edhe bulevardi, për të vazhduar me projekte tjera që lidhin këtë komunë me Luginën e Preshevës”, tha ai.

Po ashtu, ndërtimi i bulevardit të qytetit parashihet të kryhet në vitin e ardhshëm, dhe vlera e tij është 988 mijë euro, financim nga Ministria e Infrastrukturës.


MË SHUME NGA Kosovë