20:45 / 10.09.2020
Pulëbardhat zbarkojnë në qytetin e Kamenicës
Fotografi i botës së egër Arian Mavriqi, ka fotografuar në Kamenicë pulëbardhat të cilat më shumë jetojnë afër detërave e liqeneve.
Fotografi Mavriqi i cili vazhdimisht po promovon faunën shqiptare, ka thënë se zbarkimi i pulëbardhave në Kamenicë është diçka që nuk ka ndodhur asnjëherë në komunën tonë.
“Tek ne janë parë për herë të parë. Është e mrekullueshme që ato tashmë kanë zbarkuar në Kamenicë”, tha ai.
Ndër të tjera, Mavriqi është duke përgatitur edhe një dokumentar për Kamenicën, ku do të përfshihen xhirimet e këtyre pulëbardhave por edhe specieve të tjera nga fauna jonë.























