Themelohen dy studio rajonale të RTK-së në Mitrovicë dhe në Prizren
Sot u nënshkrua fillimi i Implementimit të projektit të dytë në kuadër të asistencës nga Agjencia Japoneze për Bashkëpunim Ndërkombëtar dhe Radio Televizioni i Kosovës.
Kjo marrëveshje parasheh themelimin e dy studiove rajonale të RTK-së në Mitrovicë dhe në Prizren, trajnime të ndryshme dhe shtimin e kapaciteteve të arkivimit të materialeve.
Përveç këtyre studiove, Radio Televizionit të Kosovës, do t’i shtohen edhe dy të tjera. Por, jo në kryeqytet.
Agjencia Japoneze për Bashkëpunim Ndërkombëtar, e cila kohë pas kohe me projekte të ndryshme mbështet RTK-në, filloi procedurat e implementimit për dy studio rajonale të RTK-së.
Drejtori i Përgjithshëm i RTK-së, Ngadhnjim Kastrati ka falmenderuar JICA-n japoneze, duke thënë se kjo është një ndihmë e madhe për Radio Televizionin e Kosovës.
Në anën tjetër, zyrtarët e JICA-s u shprehën të kënaqur me punën dhe profesionalizmin e RTK-së duke thënë se shtetet demokratike kanë nevojë për transmetues publik.
“Ne respektojmë profesionalizmin e transmetuesit publik, andaj nisur nga kjo ne mundohemi të kontribuojmë për këtë medium. Me këtë projekt të rëndësishëm, ku do të bëhet hapja e dy zyrave të reja, synohet mbulimi i territorit të Kosovës nga ky medium”, tha Dr. Hashimoto Keiichi nga JICA.
Kjo marrëveshje parasheh themelimin e dy studiove rajonale të RTK-së në Mitrovicë dhe në Prizren, trajnime të ndryshme dhe shtimin e kapaciteteve të arkivimit të materialeve.
Për këto çështje zyrtarët japonezë me datën 14 prill kanë zhvilluar takim me kryetarin e komunës së Prizrenit Mytaher Haskuka dhe me kryetarin e Mitrovicës së Jugut Agim Bahtiri të cilët janë zotuar se do ta mbështesin hapjen e këtyre zyrave në aspektin e gjetjes së lokacioneve të përshtatshme për funksionimin e tyre.
Qeveria Japonezë në projekte të ndryshme e ka mbështetur RTK-në që nga fillimi i funksionimit duke i dhuruar donacion pajisje.























