15:12 / 15.06.2021
Ministrja Haxhiu takon anëtarët e Gardës Ceremoniale të Nderit të SHKK-së
Ministrja e Drejtësisë, znj. Albulena Haxhiu, sot priti në takim anëtarët e Gardës Ceremoniale të Nderit të Shërbimit Korrektues të Kosovës.
Ministrja Haxhiu u njoftua me mandatin dhe aktivitetet e tyre si dhe nevojat që ndërlidhen me angazhimin e tyre të përditshëm si zyrtarë korrektues dhe pjesëtarë të Gardës Ceremoniale të SHKK-së.
Ministrja Haxhiu, u zotua për përkrahjen dhe adresimin e kërkesave të stafit korrektues drejt avancimit të trajtimit të tyre për të garantuar një shërbim korrektues sa më kredibil dhe efikas në misionin e tyre shumë të vlefshëm.























