Gara e parë e makinave në Amerikë
BKT
Auto

Gara e parë e makinave në Amerikë

Edhe pse Henry Ford merr pjesën më të madhe të meritave për zhvillimin e makinës në SHBA, megjithatë ai nuk prodhoi automobilin e parë amerikan.

Kjo gjë i atribuohet vëllezërve Duryea – Charles dhe Frank – të cilët krijuan “karrocën pa kalë” të tyre të parë me benzinë ​​më 1893.

Ashtu si vëllezërit Wright, edhe Duryeas ishin mekanikë biçikletash, por që kishin pasionin për të bërë zbulime edhe më të mëdha.

Këta dy vëllëzer ndërtuan makinën e tyre të parë në një punishte të vendosur në një ndërtesë në qendër të qytetit Springfield, MA. Kurse, në një mëngjes të vitit 1893, në rrugët e këtij qyteti, makina doli për provë.

Ajo kishte një motor me një cilindër, benzinë ​​me tre shpejtësi, ndësa vitin pasues, Frank zhvilloi një makinë të dytë me një motor më të fuqishëm me dy cilindra. Ishte kjo makinë që ai nisi në garën e parë të automobilave në Amerikë në Ditën e Falënderimeve, më 27 nëntor 1895.

Gara historike e paraqitur në autobiografinë e Frank Duryea.

“Fillova të punoja për një makinë të re, nga e cila kohë pas kohe kisha bërë skica gjatë verës së kaluar. Por puna ime u ndërpre nga nevoja e përgatitjes së makinës së vjetër për garën e promovuar nga HH Kohlsaat i Chicago Times-Herald. Kjo garë u caktua për 2 nëntor, dhe si shofer, kompania më dërgoi në Chicago me makinën në atë datë. Vetëm Mueller Benz dhe makinat Duryea ishin gati të fillonin, kështu që gara u shtye për Ditën e Falënderimeve, 28 nëntor 1895 “, shkruante Dureya ndër të tjera.

Një dëborë e madhe kishte rënë gjatë natës dhe gara u bë veçse edhe më dramatike.

Makineria e përballoi mirë borën në Jackson Park, por kur arritën në pjesën më të ngarkuar të qytetit, sipërfaqja e rrugës përbëhej me akull, në të cilat makinat filluan të humbnin kontrollën.

Ndërsa ishte ende në avantazh, rrota e majtë e përparme goditi një kënd të tillë që krahu i timonit u prish.

Pas një ndalese për benzinë, dhe një pritjeje katër minutëshe për një tren kalues ​​në një vendkalim hekurudhor, makinat vazhduan për në fund në Jackson Park, duke arritur në 7:18 PM në vendin e paraparë.

“Motori në çdo kohë kishte treguar fuqi të bollshme dhe në asnjë moment nuk u detyruam të dilnim dhe të shtynim. Pasi mora urimet nga grupi i vogël që kishte mbetur ende në vijën e finishit, midis të cilëve ishte partia Duryea Motor Wagon Company, unë ktheva makinën dhe u ktheva në lagjet e saj në Rrugën e Gjashtëmbëdhjetë”, shkroi ndër tjera, Frank Duryea në autobiografinë e tij.

eyewitnesstohistory/