Deklaratë e përbashkët e kryetarëve të Mitrovicës, Vushtrrisë e Skënderaj

Deklaratë e përbashkët e kryetarëve të Mitrovicës, Vushtrrisë e Skënderaj

Kryetarët e Mitrovicës, Vushtrrisë e Skënderaj kanë zhvilluar një takim të përbashkët në prag të zgjedhjeve lokale të 17 tetorit 2021, ku kanë diskutuar për mbarvajtjen e zgjedhjeve lokale.

Kryetari Bahtiri, Jashari e Tahiri i kanë ofruar gjithë mbështetjen logjistike KKZ-ve në mënyrë që zgjedhjet të organizohen sa më mirë.

Të tre Kryetarët po ashtu ftojnë mediet lokale që në prag të zgjedhjeve, por edhe gjatë fushatës të jenë të paanshme e të informojnë publikun drejtë për të gjitha zhvillimet në komunat e regjionit 02.

Në këtë drejtim, Kryetari Bahtiri, Jashari e Tahiri shprehin shqetësimin e tyre për disa portale si “Jepi zë” që në javët e fundit me shkrime të pabazuara e tendencioze janë vënë në shërbim të përhapjes së lajmeve të pabazuara që dezinformojnë qytetarin e publikun.

Kryetarët e Komunave mirëpresin bashkëpunimin me portalet e mediet lokale por nuk i nënshtrohen shantazhit që ka për qëllim përfitim material në funksion të ‘lajmeve pozitive’.