Nissan Silvia rikthehet si model elektrik në vitin 2025
Auto

Nissan Silvia rikthehet si model elektrik në vitin 2025

Sipas mediave japoneze, Nissan po mendon ta “rikthej në jetë” modelin legjendar Silvia, por me një ndryshim tejet të rëndësishëm.

Modeli Silvia nga Nissan i njohur ndryshe si 200 SX dhe 240 SX, do të duhej të kishte pasuesin, por kësaj radhe do të jetë plotësisht elektrik, transmeton Telegrafi.

I tërë plani është zhvilluar duke u bazuar në renderin elektrik të Silvia që u shfaq vitin e kaluar, e që është vepër e nënpresidentit të Nissan për Evropë, Matthew Weaver.

Deri më tani nuk ka detaje për projektin e “rikthimit në jetë” të modelit Silvia, përveç që vetura mund të pritet që të shfaqet në treg në vitin 2025.

Vetura në render është inspiruar nga modeli i gjeneratës së parë që debutoi në vitin 1964 në panairin e veturave në Tokio, e kjo mund të shihet edhe nga linja që ndan pjesën e sipërme me atë të poshtme të karrocerisë.