23:53 / 14.01.2022
Afër 3 mijë raste të reja me COVID regjistrohen në 2 javët e para të vitit
Brenda 14 ditëve të para të vitit 2022 u regjistruan 2 mijë e 797 raste të reja me koronavirus në Kosovë.
Ndërsa, sot sipas Ministrisë së Shëndetësisë u regjistruan 585 raste të reja me këtë virus.
Në lidhje me këtë situatë, Instituti Kombëtar i Shëndetit Publik ka apeluar për mosgrumbullim të shumë personave dhe ka paralajmëruar përkeqësim të situatës në ditët në vazhdim.
Prej fillimit të vaksinimit në të gjitha qytetet e Kosovës janë dhënë 1.708.466 doza të vaksinës, shkruan Sinjali.
Sot, Ministria e Shëndetësisë ka apeluar tek qytetarët që të vaksinohen me dozën përforcuese të vaksinës kundër COVID-19.























