Shërbimi i kërkim-shpëtimit malor bënë thirrje për kujdes nga ortekët
Shërbimi i kërkim-shpëtimit malor të Kosovës ka bërë thirrje për kujdes nga ortekët, kjo pas reshjeve të fundit të borës të përcjellura me erërat e forta.
Në njoftimin e këtij shërbimi thuhet se disa pjesë në zonat malore të rajonit kanë rrezik potencial për lëshimin e orteqeve.
Njoftimi i Shërbimit:
Shërbimi i Kërkim-Shpëtimit Malor i Kosovës
Kujdes Ortek
Pas reshjeve të fundit të borës të përcjellura me erëra të forta, disa pjesë në zonat malore të rajonit tonë kanë rrezik potencial për lëshimin e orteqeve.
Sidomos faqet e drejtimeve gjeografike: perëndim, veri perëndim dhe disa drejtime të tjera që kanë qenë nën ndikimim e faktorëve të lartpërmendur.
-Rreziku kryesor është në zonat mbi pyjore, por eksiton edhe rreziku në zonat pyjore dhe ndërpyjore.
-Mos skijoni jashtë shtigjeve të skijimit!
-Bjeshkatarë evitoni aktivitetet e juaja në pjerrësitë 30~45°.
-Zhvilloni aktivitetet e juaja në vende të sigurta dhe jo të ekspozuara.
-Përdorimi i pajisjeve të sigurisë për ortek është i domosdoshëm!
Për çdo urgjencë kontaktoni në numrat:
112
+38349840228
























