Edhe sot testimi i trafikut në Prishtinë
BKT
Kosovë

Edhe sot testimi i trafikut në Prishtinë

Qëndresa Duraku /RTK

Këtë vikend, Komuna e Prishtinës, ka realizuar testin e parë rreth qarkores duke i kthyer rrugët njëkahore për automjete.

Gjatë ditës së djeshme, por edhe sot është duke u bërë ky testim nga Komuna e Prishtinës, por kryeqyteti duket i stërngarkuar nga automjetet. 

Ngasësit e automjeteve konsiderojnë se kjo nuk është zgjidhje për kryeqytetin.

“Është dashur më u leshu edhe kjo trak, s’po e kupto. Kurrë gjë nuk u bë këtu. Le ta provojnë, jemi mësuar na me eksperimente”, tha një qytetar për RTK-n.

“Tmerr kjo nuk është zgjidhje. Prej Fushë Kosovë unë duhet më ardhur e mu sjellë rreth e rreth e mu kthye prapë”, tha një tjetër qytetar. 

Por Komuna e Prishtinës e vlerëson si të rregullt këtë testim. 

“Sot dhe nesër kemi filluar me testimin sipas rekomandimit të taskforcës. Testimi ka filluar mirë. Realisht në vlugun e komunikacionit, në rrugën ‘Agim Ramadani’ rekomandimi nga taskforcës ka qenë të bëhet vetëm me dy korsi, ndërsa prej orës 14:00 kemi filluar me tri”, tha Ilirik Musliu, drejtor për shërbime publike.

Një testim i njëjtë do të realizohet edhe gjatë vikendin të ardhshëm. 


MË SHUME NGA Kosovë