Kurti uron Ditën e Goranëve
Foto: RTK
Kosovë

Kurti uron Ditën e Goranëve

Emine Hoti /RTKLive

Kryeministri i Republikës së Kosovës, Albin Kurti ka uruar komunitetin goran në Kosovë për ditën e tyre.

Në këtë ditë feste, kryeministri ka falënderuar pjesëtarët e këtij komuniteti për kontributin e tyre në jetën politike, sociale dhe kulturore të Kosovës.

"Si Qeveri angazhohemi çdo ditë që të mbrojmë të drejtat dhe identitetin kulturor të qytetarëve të të gjitha komuniteteve në Kosovë", ka thënë ai.

Kurti shtoi se  Zyra për Çështje të Komuniteteve në kuadër të Zyrës së Kryeministrit, do të vazhdojë të mbështesë projekte të komunitetit goran, si edhe të komuniteteve të tjera, për promovimin dhe mbrojtjen e të drejtave të komuniteteve.

Urimi përmbyllet me urimet më të përzemërta për këtë ditë të veçantë për të gjithë qytetarët goranë të Kosovës, thuhet në komunikatën e Qeverisë.


MË SHUME NGA Kosovë