Hysni Gucati i dënuar nga Specialja, mungon në varrimin e babait
BKT
Foto: KSP
Kosovë

Hysni Gucati i dënuar nga Specialja, mungon në varrimin e babait

KSP

Në prani të një numri të madh të qytetarëve, në fshatin Morinë të Skenderajt, është varrosur sot Avdullah Gucati, babai i ish-kreut të Organizatës së Veteranëve të Luftës së UÇK-së, Hysni Gucati, i cili mungoi në ceremoninë e varrimit.

Në emër të familjes foli, Abdyl Imeri, mik i familjes Gucati, i cili ka treguar biografinë e të ndjerit. Ai shtoi se Avdullah Hasan Gucati ka lindur në fshatin Marinë më 7 mars 1939, vjen nga një familje me vlera të mëdha patriotike dhe atdhetare. Gjatë gjysmës së dytë të shekullit 20.

Sipas tij, kur Kosova kishte më së shumti nevojë dhe njerëz të fortë, Avdullahu së bashku me djalin Hysniun iu bashkëngjiten radhëve të UÇK-së, përderisa djali Hysniu luftonte në Drenicë, baci Avdullah la mërgimin dhe kthehet në Kosovë, në Koshare deri në çlirimin përfundimtar të Kosovës.

Ndërsa, Ilmi Gucati, djali i të ndjerit për fund ka falënderuar të gjithë për pjesëmarrje, pa dallim.

Kryetari i Komunës së Skenderajt, Fadil Nura, shprehi ngushëllimet e tij, ku tha se bashkëndjejnë me familjen Gucati.

Ushtrues detyre i OVL-së, Faton Klinaku, shprehi ngushëllime familjes në emër të organizatës, duke thënë se është dhimbje e madhe jo vetëm për familjen po për të gjithë.

Bashkëluftëtari Pren Marashi, në emër të brigadës 138 të Agim Ramadanit shprehi ngushëllime familjes ku ka treguar se si i ndjeri nuk ka hezituar t’i bashkëngjitet Ushtrisë Çlirimtare të Kosovës, për çlirimin e vendit.

Përndryshe, merret vesh që Gjykata Speciale ka thënë se ende nuk kanë vendos nëse Hysni Gucati do të lirohet përkohësisht për të marrë pjesë në varrimin e babait të tij dhe në pritjet për ngushëllime.


MË SHUME NGA Kosovë