Sot paradite mot i nxehtë, pasdite reshje lokale shiu e bubullima
Foto: IHMK
Kosovë

Sot paradite mot i nxehtë, pasdite reshje lokale shiu e bubullima

RTKlive

Fillimi i muajit korrik do të karakterizohet me mot pothuaj të ngjashëm me ditët e fundit të qershorit.

Kështu ka njoftuar në parashikimin e motit, Instituti Hidrometerologjik i Kosovës, sipas të cilit, kjo situatë vjen  si pasojë e temperaturave të larta dhe formimin e vranësirave konvektive në stadet e ulëta dhe të mesme të troposferës.

“Muaji qershor u përmbyll me dy goditje të masave të nxehta të ajrit të ardhura nga Afrika Veriore, por që këto masa të ngjashme vazhdojnë të mbeten prezent mbi Gadishullin tonë deri me datë 6-7 korrik dhe vlerat e këtyre temperaturave të larta do të krijojnë kushte për stuhi lokale të përcjella me reshje dhe shkarkime rrufesh”, njofton IHMK.

Prandaj, temperaturat minimale do të lëvizin ndërmjet 14-17 gradë celsius, ndërsa maksimalet e ditës parashihen të lëvizin ndërmjet 30-34 gradë celsius.

IHMK njofton se indeksi UV vazhdon të mbetet i lartë dhe bëjmë apel që të respektohen këshillat e IHMK dhe të IKSHP, kurse do të fryjë erë e lehtë dhe lokalisht e fortë nga drejtimi i perëndimit dhe veriperëndimit.


APR
Romay Lift