Kryeministri Kurti nderon 4 dëshmorët nga familja Lleshi
Foto: Zyra e Kryeministrit
Kosovë

Kryeministri Kurti nderon 4 dëshmorët nga familja Lleshi

RTKlive

Kryeministri Albin Kurti, i shoqëruar nga deputetë të Kuvendit nga Vetëvendosje, bëri homazhe te lapidari në Vraniq të Gjakovës.

Ai nderoi dëshmorët e familjes Lleshi, me rastin e 24-vjetorit të rënies së tyre për atdhe.

Kryeministri Kurti tha se në luftën çlirimtare ranë katër dëshmorë të familjes Lleshi nga Vraniqi i Gjakovës.

Marku e Kola më 7 gusht 1998 në betejën e Vraniqit dhe Prendi e Mema më 28 janar 1999 në betejën e Godenit.

“I përkujtuam me nderim e krenari në 24-vjetorin e tyre, të gjakut të tyre që u bë liria jonë. Lokja Hanë dhe Gega na prinin në homazhet e sotme te varri i tyre dhe lapidari tempull me katër shtylla”, u shpreh ai, njofton zyra për media e kryeministrisë.

Derisa kujtoi Ushtrinë Çlirimtare të Kosovës, kryeministri Kurti citohet të keët deklaruar se para një çerek shekulli UÇK-ja organizoi popullin në kryengritje kundër pushtuesit dhe okupatorit serb i cili kreu gjenocid në Kosovë.

Siç shtoi kryeministri më tej, agresioni e krimet e Serbisë dhe rezistenca e qëndresa jonë janë e vërteta historike e faktike.

“Lavdi të gjithë dëshmorëve e martirëve të kombit shqiptar”, tha në fund kryeministri Kurti.


MË SHUME NGA Kosovë