Përurohet Qendra e re e Mjekësisë Familjare në Lluzhan
Rtklive
Foto: Komuna e Podujevës
Kosovë

Përurohet Qendra e re e Mjekësisë Familjare në Lluzhan

RTKlive

Kryetari i Komunës së Podujevës, Shpejtim Bulliqi, bashkë me përfaqësues nga organizata “Kuwait Society For Relief Kosova”, anëtarë të ekzekutivit, drejtorin e QKMF-së dhe stafin mjekësor të QMF-së në Lluzhan, me një ceremoni festive bën përurimin e Qendrës së re të Mjekësisë Familjare në Lluzhan.

Ndërtimi i Qendrës së re të Mjekësisë Familjare në Lluzhan është donacion i organizatës “Kuwait Society For Relief Kosova”.

Kryetari Bulliqi u shpreh i lumtur me realizimin e këtij projekti i cili do t’iu shërbej banorëve të zonës së Lluzhanit, të cilët tani e tutje do të marrin shërbime shëndetësore në ambiente me kushte më të mira.

Bulliqi falënderoi organizatën e Kuwaitit dhe ndërmjetësin, Shaqir Shaqiri që e bëri të mundur realizimin e këtij projekti në Komunën e Podujevës dhe u zotua për bashkëpunim institucional edhe në të ardhmen për projekte të tjera.


MË SHUME NGA Kosovë