KOMF: Urgjente rikthimi i fëmijëve në bankat e shkollës
Valjeta Shala/ RTK
Koalicioni i OJQ–ve për Mbrojtjen e Fëmijëve në Kosovë – KOMF ka prezantuar instalacionit simbolik “Fëmijët në Shkolla”.
Donjeta Kelmemdi, drejtoreshë e KOMF-së, tha se është shqetësuese dhe e papranueshme mungesa e mësimit për fëmijët. 
“Interesi i nxënësve duhet të jetë interes nga të dy palët në këtë situatë. Pasojat nga mungesa e mësimit janë të dëmshme si në mesimnxënie, shëndet mendor e shumë aspekte të tjera”, tha ajo.
Aktiviteti po zhvillohet në sheshin “Skënderbeu”, ku është vendosur një instalacion, për të simbolizuar të drejtën e fëmijës në arsim. Në këtë aktivitet, prezantohen të dhëna dhe fakte rreth dëmeve që ndërprerja e mësimit shkakton tek fëmijët, raporton RTK. 
Duke qenë se e drejta për arsim është e drejtë themelore e mbrojtur me Kushtetutën e Republikës së Kosovës, KOMF konsideron se në situatën e krijuar duhet të veprohet me urgjencë, për të rikthyer fëmijët në bankat e shkollës. Ndërprerja e procesit mësimor po shkakton çdo ditë dëme tek fëmijët.
























