Rrethojat afër parkut u hoqën, por tani parkohen veturat |Video
Arlinda Sejda/RTK
Ato tashmë po i zëvendësojnë veturat e parkuara në trotuare. Gjithashtu, të dielën një pjesë e saj ishte e mbuluar nga mbeturinat.
Megjithatë, qytetarët thonë se heqja e rrethojave ishte veprim i duhur nga komuna, por ka edhe zëra kundër.
" Sipas meje është gabim, duhet me qenë i rrethuar parku siç ka qenë më herët, për shkak të sigurisë së fëmijëve, dhe mund të ndodhë ndonjë aksident", thotë Zenel Rexhepi, qytetar nga Prishtina.
" Unë mendoj që është me vend për shkak se këto rrethoja veç nëpër burgje në vende të mbyllura përndryshe qytetarët duan të jenë të lirë", thotë qytetari Faik Qela.
" Besoj që nuk është edhe keq por nuk është edhe bash mirë, për shkaqe sigurie për shkaqe që ka familjar me fëmijë të vegjël, këtu i kanë mundësitë për të dalë në rrugë kryesore dhe është më rrezik për fëmijë. Por në anën tjetër i ke mundësitë me u kyçë në park në të gjitha pjesët”, thotë qytetarja Suzana Voshki.
Qytetarët kërkojnë nga Kuvendi Komunal i Prishtinës që fëmijëve që shëtisin në këtë park t'u ofrohet siguri.























