Kryesuesi i KGJK-së vizitoi Gjykatën Themelore në Mitrovicë
BKT
Foto: KGJK
Kosovë

Kryesuesi i KGJK-së vizitoi Gjykatën Themelore në Mitrovicë

B.H. / RTKlive

Kryesuesi i Këshillit Gjyqësor të Kosovës (KGJK), Albert Zogaj së bashku me Drejtorin e Sekretariatit të KGJK-së, Shkëlzen Maliqi, kanë vizituar sot Gjykatën Themelore në Mitrovicë, me ç’rast janë takuar me nënkryetarin e kësaj gjykate, Bekim Veliqi, gjyqtarët, administratoren dhe stafin administrativ, ku diskutuan për organizimin dhe mbarëvajtjen e punës pa ndërprerje në situatën aktuale.

Kryesuesi Zogaj dhe drejtori Maliqi u siguruan nga nënkryetari Veliqi dhe administratorja, se gjykata është duke ndërmarr të gjitha masat e nevojshme për organizmin e procesit të punës në pajtim me aktet ligjore në fuqi.

Zogaj siguroi se Këshilli është i vendosur për ofrimin e gjithë mbështetjes së nevojshme me qëllim që Gjykata Themelore në Mitrovicë të funksionojë edhe në rrethanat aktuale për ofrimin e shërbimeve për qytetarët.


MË SHUME NGA Kosovë