Presidentja Osmani: Adem Jashari është hero i dinjitetit tonë!|Foto
BKT
Foto: Vjosa Osmani/Facebook
Kosovë

Presidentja Osmani: Adem Jashari është hero i dinjitetit tonë!|Foto

J.Musliu/RTKlive

Para se të udhëtonte drejt Vlorës, për të marrë pjesë në manifestimet për nder të Ditës së Flamurit, presidentja e Kosovës, Vjosa Osmani, qëndroi në Prekaz.

“I vendosur, guximtar e luftarak. Ky është komandanti legjendar i UÇK-së, Adem Jashari”, deklaroi presidentja Osmani, e cila vendosi kurora lulesh pranë varrit të komandantit legjendar.

“Në shënimin e ditës së lindjes, u përulëm para varrit të tij dhe familjarëve, të cilët u bën fli për lirinë tonë”.

Presidentja Osmani u shpreh se Adem Jashari hyri një herë në histori për të mbetur përherë dhe për t'u kujtuar veçanërisht më 28 nëntor, krahas Ditës së Flamurit dhe Pavarësisë së Shqipërisë.

“Një ditë dhe tri data historike. Adem Jashari është hero i dinjitetit tonë! Ai është i gjallë!”

Më pas, presidentja Osmani është pritur nga familja Jashari dhe Rifati, vëllai i komandantit legjendar.

 

Nisin ceremonitë shtetërore për Ditën e Flamurit

Kanë filluar ceremonitë festive shtetërore për nder të Ditës së Flamurit.

Zëvëndëskryeministri Besnik Bislimi dhe pjesëtarë të kabinetit qeveritar, bënë homazhe pranë përmendores së heroit kombëtar, Gjergj Kastrioti-Skënderbeu.

Bazuar në agjendën shtetërore, në orën 10:00, do të bëhen homazhe edhe në kompleksin përkujtimor “Adem Jashari” në Prekaz.

Ndërkohë, në komunat e Republikës, janë paraparë të organizohen aktivitete të ndryshme festive.

Kosova feston sot Ditën e Flamurit

Edhe sot vazhdojnë manifestimet në kuadër të Ditës së Flamurit, 28 nëntorit.

Në orën 09:00, bëhen homazhe pranë shtatores së heroit kombëtar, Gjergj Kastrioti- Skënderbeu.

Më pas, në orën 10:00, sipas njoftimit të Qeverisë së Kosovës, do të bëhen homazhe tek varrezat e dëshmorëve në kompleksin përkujtimor  në Prekaz.
Ndërkohë, nga ora 12:00 deri në 14:00, do të këtë parakalim të togut ceremonial të FSK-së në sheshet e Prishtinës.

Sipas agjendës, ceremonitë do të vazhdojnë edhe në orën 19:00, me pritjen që do të organizojë kryeministri i Kosovës,  Albin Kurti.

Në këtë mënyrë, Kosova me aktivitete të ndryshme po shënon 110 vjetorin e pavarësisë së Shqipërisë.

 


MË SHUME NGA Kosovë