Aliu: Qeveria të kthejë grantin e katërtë të komunave
BKT
Kosovë

Aliu: Qeveria të kthejë grantin e katërtë të komunave

Sh.Gashi/ RTKlive

Agim Aliu, kryetar i Asociacionit të Komunave të Kosovës dhe kryetar i Komunës së Ferizajt, sot në RTK ka folur për aktivitetet dhe objektivat e asociacionit të komunave të Kosovës, për bashkëpunimet, sfidat projektet e komunave të Kosovës, komuna e Ferizajt gjatë vitit 2022 dhe projektet për vitin 2023.

Ai ka thënë se komunat e Kosovës kanë shumë probleme, për të cilat bëri me dije se i kanë adresuar ato qeverisë.

Aliu ka kërkuar nga Qeveria e Kosovës të kthejë grantin e katërtë të komunave për Kosovën.

 “Problemet ka po thuaj në të gjitha komunat e Kosovës e po ashtu edhe komuna e  Ferizajt, por të ngjashme kanë qenë edhe në të gjitha agjencitë buxhetore e edhe kjo ka qenë arsyeja që ne  kemi adresuar kërkesa të kryeministri i Kosovës Albin Kurti pastaj edhe në takimet e drejtpërdrejta që ne kemi pasur me kryeministrin Kurti, sigurisht disa kanë filluar të zgjidhen nga ato që ishin çështje siç është  Bordi i Funksionaliteti  i OSHP-së i cili për 14 muaj ka mbajtur peng shumë nga kontratat”, tha ai.

Ali ka folur edhe për Asociacionin e komunave të Kosovës, e cila është një organizatë e cila tashmë ka bërë një punë në krijimin e infrastrukturës ligjore.


MË SHUME NGA Kosovë