Haziri publikon deklaratën e Rugovës: UÇK-ja është krijuar nga populli
RTKlive
Në Prishtinë, platforma “Liria ka emër”, organizoi Marsh qytetar dhe solidarizues në mbështetje të luftës së drejt të UÇK-së dhe ish-krerëve të saj, Hashim Thaçi, Kadri Veseli, Jakup Krasniqi, Rexhep Selimi dhe bashkëluftëtarët e tyre në Hagë.
E në mbështetje të ish-eprorëve të UÇK-së ka dal edhe nënkryetari i Lidhjes Demokratike të Kosovës, Lutfi Haziri, i cili e ka publikuar deklaratën e presidentit historik, Ibrahim Rugova, për Ushtrinë Çlirimtare, gjatë dëshmisë së tij në Hagë kundër “Kasapit të Ballkanit” Sllobodan Millosheviq.
Rugova kishte thënë se UÇK-ja është krijuar nga populli.
“Ajo ka qenë një organizatë që është krijuar nga populli, nga njerëzit, nga patriotët kur ka filluar sulmi ushtarak mbi Kosovën dhe kanë luftuar për Lirinë e Kosovës”, kishte thënë Rugova.























