21:37 / 06.05.2023
Ndahet nga jeta Fadil Mulliqi, veterani i luftës së UÇK-së nga Podujeva
RTKlive
Është ndarë nga jeta ish-komandanti i njësisë speciale në Zonën Operative të Llapit, Fadil Mulliqi.
Kryetari i Komunës së Podujevës, Shpejtim Bulliqi, ka shprehur ngushëllime për ndarjen nga jeta të komandantit të njësisë speciale në Zonën Operative të Llapit, Fadil Mulliqi.
Bulliqi ka thënë se Mulliqi u kthye nga mërgimi për t’iu bashkuar UÇK-së, e për të vazhduar çlirimin e Kosovës.
“Nga pas lufta ishte pjesë e strukturave udhëheqëse të shoqatave të dala nga lufta, së fundmi barte pozitën si sekretar organizativ i OVL në Llap.
Ngushëllime të sinqerta familjes, farefisit dhe të gjithë miqve e bashkëluftëtarëve të Fadilit!” ka shkruar Bulliqi.























