09:14 / 10.08.2023
Pritje të gjata në Merdar për dalje nga Kosova
M.P. / RTKlive
Qendra Kombëtare për menaxhim kufitar ka përditësuar të dhënat në mëngjes duke treguar gjendjen e kolonave në pika kufitare.
Më së shumti kolona ka në dalje nga Merdarja, ku pritjet po zgjasin deri në 3 orë. Në hyrje gjendja është më mirë, ku kjo pjesë mund të kalohet nga 5 deri në 10 minuta.
Ndërkohë, dalja nga Dheu i Bardhë shkon gati deri në një orë e gjysmë, ndërkaq hyrja merr afërsisht deri në 10 minuta.
Në Jarinje dalja është 20 minuta. Pikat e tjera kufitare mund të kalohen nga 3 deri në 5 minuta.

























