Zhduket një person në Ferizaj, policia kërkon ndihmë nga qytetarët
RTKlive
Policia rajonale në Ferizaj ka njoftuar qytetarët se një javë më parë, është zhdukur një personi nga fshati Greme i Ferizajt. Bëhet fjalë për të moshuarin Ilaz Tahir Sejdiun, i lindur me 19.10.1932, me banim në fshatin Greme, i cili me datën 17.08.2023 rreth orës 07:10 kishte dal nga shtëpia dhe nuk është kthyer më.
Sipas njoftimit të Policisë, ai është i gjatë, 170 cm, peshon, 75 kg, ka sy kafe dhe flokë të thinjura. Kishte të veshura: pantallona dhe xhaketë ngjyrë kafe, këpucë të zeza me shirita ngjitës dhe me plis të bardhë.
“Ekipet e policisë në bashkëpunim të ngushtë me familjarët e tij, banorë të zonës, janë në kërkim të personit të zhdukur. Policia Rajonale e Ferizajt ka marr autorizimet nga prokurori i rastit nga Prokuroria Themelore në Ferizaj për publikim e të dhënave të tij dhe kërkojmë bashkëpunimin e qytetarëve”, thuhet më tej në njoftim.
Të gjithë ata që kanë informacione që ndërlidhet me personin e zhdukur, ta njoftoni menjëherë policinë, stacionin më të afërt të policisë, apo përmes numrit kujdestar 192 dhe aplikacionit digjital" Lajmëro Policinë".























